Apa tempo mau sadar

Maluku oh Maluku

Apa tempo mau sadar

Apa tempo mau bersatu

Apa mau musti slalu tapapar

Kaya bangsa Penjilat di bawa cakrawala

Apa ini sebuah kutukan

Sampe seng bisa par angka tangan

Jari jemari terasa kaku

Kalo katong mau bersatu

Apa ini sebuah hukuman dari Upu Lanite

Apa mungkin ini sebuah sumpahan dari nene deng tete

Sampe katong harus tanggung samua

Sampe roh ikan makan ikan selalu malakat selamanya

Maluku oh Maluku

Apa tempo katong bisa baku gandeng tangan

Tanpa harus pikir kepeng deng kedudukan

Dimana Maluku potong di kuku rasa di daging

Akang kamana hidop ade kaka laeng lia laeng

Kalo par jabatan maju topu dada

Kalo par kepeng badiri unju dada

Tapi dibalakang satu kasi jatu satu

Tapi masih bataria Beta Maluku

Ssssiiiiooooooo Maluku eeee

Sampe kapan hidop katang akang ilang

Dalam katong pu diri generasi muda

Yang bajalang deng roh Pattimura

Deng Roh Christina yang seng takotang

Sampe kapan gandong eee

Sampe kapan pela eeee

Jang tunggu lai

Mari arika maju

Par katong bersatu

Salam Perjuangan

Salam Sarane cuma satu

Jiku kintal, 18 Maret 2020

Vigel Faubun,S.Pd