Karna Maluku itu surga
Ada ribuan marga
Tapi kaya su seng ada harga
Biar selalu dijajah tapi beta bangga
Karna Maluku itu mutiara
Dikagumi oleh seantero dunia belantara
Histori sejarah yang berdarah-darah
Disinilah arti sesungguhnya hidop orang basudara
Karna Maluku itu kaya
Tapi sakarang sudah seng berdaya
Hilang samua cahaya
Dari kota sampe ujung binaya
Maluku itu basar karna sagu
Generasi sakarang ragu-ragu
Suka cuma par baku tunggu
Seng sadar samua hidup terbelenggu
Maluku itu tanah cengkeh pala
Akang pung indah macam Cinderela
Barani kaya roh yang maso bikin bambu gila
Tapi dijajah dibawah Cakrawala
Maluku itu tanah pela gandong
Orang basudara selalu dapa todong
Hasil alam samua dapa borong
Tapi ana cucu samua seng baku tolong
Sampe kapan Maluku musti bagini
Apa generasi samua su seng barani
Mau sampe kapan kasi kombali Maluku pung warna warni
Bakira jua supaya katong di ampuni
Dari Tuhan dan Leluhur yang pemberani
Jiku Kintal, 03 Agustus 2020
Vigel Faubun,S.Pd
Kapitan Aksi Kalesang Maluku
Komentar
Posting Komentar