Dirgahayu Indonesia

beta tabaos deng cara Maluku

kalo merdeka beta ganti mena muria

itu pekikan semangat lewat bahasa tana

kibarkan merah putih dari ujung nusantara

negara ini Maluku juga rintis

jang talalu pesimis lalu harus bilang katong separatis

ini bukan sekedar puitis

tapi ungkapan hati dari generasi demokratis

Indonesia dengan Versi Maluku sandiri

itu cara katong nyatakan jati diri

jadi harus selalu mawas diri

supaya tetap kuat badiri

untuk berjuang par Maluku yang katong cintai

jang takotang kalo katong bataria

harus tarima deng hati yang ceria

karna dari ujung timur nusantara telah lahirnya satria

para pejuang yang kuasai samua kriteria

ini negara demokrasi

biarkan katong berkreasi

jang gartak katong deng jeruji besi

karna itu bukan sebuah solusi

katong mau merdeka diatas tanah merdeka

biarkan versi katong kibarkan sang saka

agar negara ini tau Maluku bukan boneka

karna katong satu dalam dekapan bhineka

dirgahayu Indonesia

yang ke 75 taong

semoga perjuangan Leluhur Maluku bukan dianggap batu badaong

yang gugur bagaikan daun.

Saka Mena Muria Indonesia

tebarkanlah keadilan sosial bagi seluruh rakyat di Nusantara

biarkan perbedaan budaya

satukan katong untuk tetap bercahaya

bagi Indonesia tercinta.

Proklamasi Indonesia ke 75 tahun.4

Jiku kintal, 17 Agustus 2020

Vigel Faubun,S.Pd

Kapitan Aksi Komunitas Kalesang Maluku