Masihkah ale Maluku
Pukul dada bataria Beta Maluku
Tapi seng ada sadiki lai rasa Malu
Saat perjuangan para leluhur
Tinggalkan sejarah yang ale salah batutur
Barenti bicara potong di kuku rasa di daging
Kalo idealisme bajalang menyamping
Inga, biar katong kacil macam kelingking
Bapake pakian compang camping
Tapi katong bisa bikin negara genting
Barenti bataria Saka Mese Nusa
Tapi akal bulus masi ada par bangsa
Hancurkan tanah dati deng rekayasa
Lalu bikin diri macam penguasa
Ganti Negeri menjadi Desa
Barenti bicara Ai Ni Ain
Kalo adat ale masih main-main
otak macam pembunuh berdara dingin
Seng hargai basudara lain
Nyawa hilang malayang parcuma
Gara-gara titipan orang tatua
Barenti bataria kalwedo
Tapi pohon koli dapa bakar
Akang dapa bunu sampe di akar
Tapi ale sambunyi dalam sangkar
Barenti bataria pamahanunusa
Tapi ada bikin komplotan macam yakusa
Bikin diri bagaikan raksasa
Menjadi penguasa di tanah yang ale seng pung kuasa
Masihkah ale Maluku
Kaki kaki terasa beku, tak mampu menari maku-maku,
Hilang keperkasaan laki-laki bijiruku
Tertunduk malu karna panaku
Dimana makna ale rasa beta rasa
Kalo katong sama-sama seng mau di asah
Untuk lincah bagaikan rusa
Diatas tanah perjanjian Yang Maha Esa
Dimana para kapitan muda
Dengan Semangat bagaikan kuda
Licin kaya ular konda
Yang cakadidi mengikuti nada
Nada-nada pukulan tifa dan nyanyian tahuri
Di temani suara kaka tua dan burung nuri
Dengan pekikan lantang bataria mena muri
Tapi kini, apakah semuanya lagi mati suri
Masihkah ale Maluku
memiliki darah Alifuru
Dilahirkan sebagai pemburu
Yang berani menantang peluru,,?
Kapan, kapan kasi bale katong pu Maluku
Kapan, Kasi bale keperkasaan nama Maluku
Kapan, kapan pela, kapan gandong
Kapan sudara hati jantong,,
Kapan katong bisa bersatu
Dengan dirasuki roh para kapitan untuk satu
Satu dalam ikatan pela gandong,
Satu dalam roh dan jiwa untuk Maluku.
Satu sebagai Pattimura-Pattimura muda
Yang berjuang par Tanah Maluku
Patimura 203 Taong
Ambon, 15 Mei 2020
Vigel Faubun,S.Pd
Komunitas Kalesang Maluku
Pukul dada bataria Beta Maluku
Tapi seng ada sadiki lai rasa Malu
Saat perjuangan para leluhur
Tinggalkan sejarah yang ale salah batutur
Barenti bicara potong di kuku rasa di daging
Kalo idealisme bajalang menyamping
Inga, biar katong kacil macam kelingking
Bapake pakian compang camping
Tapi katong bisa bikin negara genting
Barenti bataria Saka Mese Nusa
Tapi akal bulus masi ada par bangsa
Hancurkan tanah dati deng rekayasa
Lalu bikin diri macam penguasa
Ganti Negeri menjadi Desa
Barenti bicara Ai Ni Ain
Kalo adat ale masih main-main
otak macam pembunuh berdara dingin
Seng hargai basudara lain
Nyawa hilang malayang parcuma
Gara-gara titipan orang tatua
Barenti bataria kalwedo
Tapi pohon koli dapa bakar
Akang dapa bunu sampe di akar
Tapi ale sambunyi dalam sangkar
Barenti bataria pamahanunusa
Tapi ada bikin komplotan macam yakusa
Bikin diri bagaikan raksasa
Menjadi penguasa di tanah yang ale seng pung kuasa
Masihkah ale Maluku
Kaki kaki terasa beku, tak mampu menari maku-maku,
Hilang keperkasaan laki-laki bijiruku
Tertunduk malu karna panaku
Dimana makna ale rasa beta rasa
Kalo katong sama-sama seng mau di asah
Untuk lincah bagaikan rusa
Diatas tanah perjanjian Yang Maha Esa
Dimana para kapitan muda
Dengan Semangat bagaikan kuda
Licin kaya ular konda
Yang cakadidi mengikuti nada
Nada-nada pukulan tifa dan nyanyian tahuri
Di temani suara kaka tua dan burung nuri
Dengan pekikan lantang bataria mena muri
Tapi kini, apakah semuanya lagi mati suri
Masihkah ale Maluku
memiliki darah Alifuru
Dilahirkan sebagai pemburu
Yang berani menantang peluru,,?
Kapan, kapan kasi bale katong pu Maluku
Kapan, Kasi bale keperkasaan nama Maluku
Kapan, kapan pela, kapan gandong
Kapan sudara hati jantong,,
Kapan katong bisa bersatu
Dengan dirasuki roh para kapitan untuk satu
Satu dalam ikatan pela gandong,
Satu dalam roh dan jiwa untuk Maluku.
Satu sebagai Pattimura-Pattimura muda
Yang berjuang par Tanah Maluku
Patimura 203 Taong
Ambon, 15 Mei 2020
Vigel Faubun,S.Pd
Komunitas Kalesang Maluku
Komentar
Posting Komentar