Tabaos Kapitan

Kalo beta bataria MENA MURIA
Lalu kibarkan sebuah bendera
Tapi bukan bendera indonesia
Silahkan tangkap beta
Bila perlu samua tulang dalam tubuh ini dapa kasi pata

Kalo beta bataria MENA MURIA
Karna darah ini mengalir Budaya
Titipan terdahulu orang tatua
Untuk sadarkan generasi muda

Jang bilang beta separatis
selama ini seng ada tindakan anarkis
Apa samua postingan itu mungkin hati takikis
Sehingga seribu cacian beta dapa tapi untungnya beta bisa tangkis

Maluku ada sebelum jauh negara ini ada
Jadi barenti bicara yang mengada-ada
Awas jang sampe beta minta moyang kasi tanda
Pas terjadi, bilang orang kasi racun sianida

Jang salah tafsir beta pu aksi
Mari katong beradaptasi
Karna lewat kata beta sampaikan aspirasi
Demi Maluku beta siap bereaksi

Mena Muria adalah pekikan semangat
Selaku generasi muda katong harus angkat
Supaya orang tatua kasi berkat
Mari tarima dua kata ini deng akal sehat

Kanapa musti larang
Jang karna beta Huele
Ale dudu gamatar sampe takotang
Inga katong siap tabaos Mese
Pasti ale pikiran su sabarang

Generasi Maluku akan bangkit
Tahury akang babunyi di atas-atas bukit
Semangat persatuan akan bangkit
Katong akan tebarkan issu perdamaian
Par Maluku pung kemakmuran.


Goresan Hati
Vigel Faubun,S.Pd
Sudut kota Ambon, 17 Mei 2020